Son Xəbər: Sabah Azərbaycanda 38 dərəcə isti olacaq, BMT: Benqal körfəzində iki qayıq batıb, 500-dən çox Rohinca qaçqını ölüb, Ermənistan hökuməti TRIPP üzrə ABŞ-la çərçivə sazişinin ratifikasiyasını təsdiqləyib, İlham Əliyev Fələstinin Baş nazirini qəbul edib, “Bir pəncərə” layihəsində ixrac gömrük bəyannaməsinin inteqrasiyası yekunlaşıb, Şəmkirdə 11 nəfər salatdan zəhərləndi, Ukraynanın Rusiyanın Belqorod vilayətinə zərbələri nəticəsində 5 nəfər yaralanıb, "Qarabağ" UEFA Avropa Liqasının I təsnifat mərhələsində cavab oyununa çıxır, "Islamabad Post": IV Şuşa Qlobal Media Forumu ölkələr və mədəniyyətlər arasında körpü olub, Sabahdan Bakıda və rayonlarda külək güclənəcək,

BMT: Benqal körfəzində iki qayıq batıb, 500-dən çox Rohinca qaçqını ölüb

Tarix: Bugün, 13:05

Benqal körfəzində Myanmadan yola çıxan Rohinca qaçqınlarını daşıyan iki qayığın batması nəticəsində 500-dən çox insanın öldüyü ehtimal edilir.

Bu barədə BMT-nin Qaçqınlar üzrə Ali Komissarlığı və Beynəlxalq Miqrasiya Təşkilatı bu gün birgə bəyanat yayıb.

Bildirilib ki, qayıqlar iyunun sonlarında Myanmanın Raxin ştatından yola düşüb. Sərnişinlərin əksəriyyətini Rohinca müsəlmanları təşkil edib. Onların bir hissəsinin Banqladeşin Koks-Bazar qaçqın düşərgələrindən gəldiyi qeyd olunur.

İlkin məlumata görə, təxminən 250 nəfərin olduğu ilk qayıq yola düşdükdən qısa müddət sonra itkin düşüb. 280 nəfərə yaxın sərnişini daşıyan ikinci qayığın isə iyulun 8-də Myanmanın Ayeyarvadi sahilləri yaxınlığında batdığı ehtimal edilir.

BMT bölgədə axtarış-xilasetmə tədbirlərinin gücləndirilməsinə, həmçinin dəniz yolu ilə qaçmağa məcbur qalan rohincaların müdafiəsi üçün beynəlxalq ictimaiyyəti təcili tədbirlər görməyə çağırıb.